Se ben o concurso de traslados cumpre un dos acordos alcanzados coa Xerencia e reitor pois as bases correspóndense coas do concurso de traslados de 2014, o reitor e xerente, como era de agardar, e sen xustificación ningunha exclúen da convocatoria todas as vacantes do Servizo de Informática e Comunicacións, feito que, como sinalamos en múltiples ocasións, representa un flagrante incumprimento do regulamentado na Lei do Emprego Público.
 
Como vos informamos as “medidas en materia de redución do emprego temporal” acordadas entre o Ministerio e os sindicatos maioritarios, que se marcan como obxectivo a redución da taxa de temporalidade a límites inferiores ao 8%, non afectarán á Oferta de Emprego Público deste ano pois a taxa de temporalidade, despois dos condicionantes aceptados polos sindicatos e segundo a información do Ministerio establécese , nas universidades galegas, no 3,3%, considerando o Ministerio que o obxectivo está (sobradamente) cumprido.
 
Unha vez comprobada esta circunstancia, agora si corresponde negociar a Oferta de Emprego Público sen esquecer outras cuestións tan importantes  como as propostas xa realizadas en melloras sociais...