A concentración, que se levou a cabo este martes na praza do Triunfo de Rota, preto da porta do recinto militar, foi convocada despois de que o pasado venres, desde os destrutores USS Ross e USS Porter Estados Unidos lanzasen varios mísiles contra Siria, barcos que forman parte do escudo antimísiles da OTAN con sede na base roteña.
 
A parlamentaria de Esquerda Unida, Inmaculada Nieto, anunciou “unha batería de iniciativas institucionais no Congreso e o Parlamento andaluz para aclarar se os gobernos de España e Andalucía tiveron coñecemento desta situación”.
 
“Rexeitamos este bombardeo, feito contra o mandato de Nacións Unidas, desde o intervencionismo, que lonxe de garantir a pacificación fai aumentar a espiral de violencia e a morte de civís”, lamentou a deputada.
 
“Está a usarse o noso chan, usurpando a nosa soberanía contra un país á marxe do dereito internacional”, lamentou Sergio Mesa, membro da Plataforma Andaluza contra as bases.
 
A plataforma tamén cre que o último bombardeo converte á baía de Cádiz “en obxectivo militar dentro da escalada de violencia á que se está chegado, ademais do perigo de que barcos con esas armas estean tan preto das nosas casas”.
 
LibreRed | EFE