Número 353 - 17 de abril de 2017

UNIVERSIDADE

Concurso de traslados. Dous xeitos de abordalo

Como vos sinalamos reiteradamente, os concursos de traslados teñen que contemplar todas as vacantes, de non proceder desta maneira, a administración ten que sinalar as razóns individualizadas dos motivos polos que queren retirar do concurso aquelas prazas que non queren ofertar. Na Xunta de Galiza, a Dirección Xeral de Recursos Humanos do Sergas, que vai proceder á convocatoria do concurso de traslados, intentou proceder do mesmo xeito que o equipo de goberno da UDC, achegándolles aos sindicatos a relación de prazas vacantes a ofertar, limitándose a dar unha xenérica información verbal das que non aparecían na relación.

Ir á noticia

UNIVERSIDADE - EGAP

Programa de autoformación para PAS e curso de prevención de riscos

No DOG do 10 de abril publícase a RESOLUCIÓN do 30 de marzo de 2017 pola que se convoca o Programa de autoformación para o persoal ao servizo das administracións territoriais, institucionais e entes públicos instrumentais do sector público da Comunidade Autónoma, así como para o persoal da Administración de xustiza de Galicia e de administración e servizos (PAS) das tres universidades galegas. E tamén a RESOLUCIÓN do 3 de abril de 2017 pola que se convoca un curso de prevención de riscos laborais en actividades de tempo libre, nivel básico, para empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais.

Ir á noticia

XUNTA DE GALIZA

Reunión da Comisión de Persoal

O pasado día 3 de abril, tivo lugar unha xuntanza da Comisión de Persoal na que se tratou un único punto na orde do día que foi Proxecto de decreto polo que se regula a formación en igualdade e a prevención e loita contra a violencia de xénero do persoal ao servizo da Administración da Comunidade Autónoma de Galicia.

Ir á noticia

OTAN NON, BASES FÓRA!

Protesta na base de EEUU ao sur de España que se usou para bombardear Siria

A Plataforma Andaluza contra as bases realizou unha protesta contra o uso da base militar de Rota, en Cádiz (sur de España), nos bombardeos do pasado venres desde dous destrutores de Estados Unidos contra Siria.

Ir á noticia

UNIVERSIDADE

Últimas convocatorias nas Universidades da Coruña, Santiago e Vigo

Convocatorias

UNIVERSIDADE

APA non abrirá o seu local no CUR este luns

A Alternativa de PAS Asemblearia non abrirá o local que se lle asignou no Centro Universitario de Riazor (CUR), este luns

Ir á noticia

LOITA SOCIAL

Plantación de eucaliptos na Praza do Obradoiro para denunciar a “eucaliptización” de Galiza

Unha plantación simbólica de eucaliptos na Praza do Obradoiro de Compostela á o acto convocado por diversos colectivos para o vindeiro 22 de abril, Día da Terra, como denuncia contra a “eucaliptización” de Galiza. Serás ás 12:00 horas e as convocantes (Cousas de Raíces e Asemblea contra a eucaliptización) animan ´á sociedade a participar nesta concentración “para denunciar a destrución do patrimonio natural e cultural nos nosos montes provocado polo monocultivo forestal desta especie invasora”.

Ir á noticia

“PONTE A PORTU-GAL”

Galiza e Portugal, da man en Ponteareas

Do 20 ao 23 de abril Ponteareas acollerá o Ponte a Portu-Gal, unha iniciativa coa que o Concello amosará as expresións culturais común que unen Galiza e Portugal e que converten a zona nun punto de desenvolvemento sociocultural compartido.

Ir á noticia

Achéganos a túa opinión

Escríbenos ao enderezo electrónico:
cutudc@cutudc.com

UNIVERSIDADE

O concurso de méritos en marcha

O venres, día 7 de abril, o xerente comunicoulle á Xunta de Persoal que a Resolución da convocatoria de concurso de traslados xa se enviara ao DOG e establecía como posible data de publicación o próximo luns, día 17 de abril. Durante o procedemento o reitor utilizou toda clase de artimañas que evidenciaron a súa mala fe á hora de negociar. Presentou varios proxectos sen máis conexión entre eles que a intención de preservar algunha praza do Servizo de Informática e Comunicacións. Coa carencia de conexión entre as propostas salvo a sinalada, o equipo de goberno demostrou, tamén, a súa falta de vontade negociadora.

Ir á noticia

UNIVERSIDADE

Comisións de servizos. Execución da sentenza

Transcorrido o prazo para a presentación de recurso de apelación, a sentenza de nulidade das prórrogas das comisións de servizos ten que levarse a efecto. A Universidade está obrigada a restituír a legalidade anulando as prórrogas realizadas nos anos 2016 e 2017. Polo seu proceder, evidénciase que a Xerencia deixa, de novo, que o tempo transcorra sen mover ficha.

Ir á noticia

UNIVERSIDADE

Situación da ex vicexerenta de Ferrol

En reiteradas ocasións requirímoslle á xerencia explicacións sobre o cesamento da vicexeerenta de Ferrol e o nomeamento de substituto. Sempre tivemos a mesma concisa resposta: “A Xerencia considera que a designación dun novo vicexerente do campus de Ferrol é legal e que a persoa cesada se encontra en situación de «a disposición» con obriga de se presentar ao primeiro procedemento de revisión que se convoque” (ver acta da sesión do Consello de Goberno de 21/07/2016).

Ir á noticia

CONSELLERÍA DE CULTURA, EDUCACIÓN E ORDENACIÓN UNIVERSITARIA

Probas para a obtención dos certificados Celga 2017

O DOG do 4 de abril publica a RESOLUCIÓN do 24 de marzo de 2017, da Secretaría Xeral de Política Lingüística, pola que se convocan as probas para a obtención dos certificados de lingua galega, niveis Celga 1, 2, 3 e 4, no ano 2017 (código de procedemento ED114A).

Ir á noticia

CONSELLERÍA DE POLÍTICA SOCIAL

Axudas para fill@s menores de 3 anos

No DOG do 3 de abril publícase a ORDE do 24 de marzo de 2017 pola que se establecen as bases polas que se rexerá a concesión da prestación económica de pagamento único por fillas e fillos menores de tres anos para o ano 2017.

Ir á noticia

XUNTA DE GALIZA

A Xunta comeza a análise da carga de traballo de 16.000 funcionarios da Administración galega

Coa escusa de corrixir desaxustes e evitar contratacións externas a Xunta realizará a análise da carga de traballo dos seus 16.000 traballadores. Calculará a media de tempo que leva aos funcionarios realizar as súas tarefas, buscando "reordenar" ao seu persoal en función das necesidades que se detecten.

Ir á noticia

OFICINA DE DEREITOS SOCIAIS - COIA

Manual de defensa do arrendatario

Partillamos un manual feito pola veciñanza do barrio de Sant Antoni en Barcelona que leva por título "Manual de defensa do arrendatario". Así explican dende Fem Sant Antoni os motivos que lles levaron a publicar este documento:

Ir á noticia

CRISE ESTAFA

Os pobres cada vez máis pobres... pero, e os ricos?

Os multimillonarios españois souberon esquivar a mala serie que atravesa a bolsa española, cuxo principal indicador, o IBEX 35, deixouse en 2016 un 2,01 % e sumou dous exercicios consecutivos con perdas.

Ir á noticia

FEDERACIÓN DE ASOCIACIÓNS PARA A DEFENSA DA SANIDADE PÚBLICA

"Urxe cambiar o financiamento sanitario de para garantir a suficiencia e equidade do sistema"

A Federación de Asociacións para a Defensa da Sanidade Pública realizou cinco propostas para o cambio do modelo de financiamento, co obxecto de "garantir a suficiencia, a equidade e a racionalización do sistema sanitario".

Ir á noticia

• OPINIÓN - Isaac Rosa

"Isto van Carrero, o rei, a Virxe e un etarra polo Valle de los Caídos..."

O chiste bomba. O chiste definitivo, o combo que che garante cárcere, multa e linchamento mediático. Un chiste onde mestures monarquía, Igrexa católica e ETA, cun par de toques de franquismo disfrazados de humillación ás vítimas (Carrero) e ofensa aos crentes (o Valle de los Caídos). Saltéalo con graza e consegues un chiste que reúne nunha soa frase o máis top do Código penal: o artigo 510 (odio), o 525 (ofensa a sentimentos relixiosos), o 578 (enaltecemento do terrorismo) e o 491 (inxurias á coroa). "Isto van Carrero, o rei, a Virxe e un etarra polo Valle de los Caídos, cando de súpeto…". A ver quen se atreve a terminar o chiste.

Ir á noticia

UNIVERSIDADE

Últimas convocatorias nas Universidades da Coruña, Santiago e Vigo

Convocatorias

UNIVERSIDADE

APA non abrirá o seu local no CUR este luns

A Alternativa de PAS Asemblearia non abrirá o local que se lle asignou no Centro Universitario de Riazor (CUR), este luns

Ir á noticia

UNIVERSIDADE - SOCORRISTAS

Formación mínima e creación do Rexistro

No DOG do día 7 de abril publícase o DECRETO 35/2017, do 30 de marzo, polo que se modifica o Decreto 104/2012, do 16 de marzo, polo que se fixa a formación mínima dos socorristas acuáticos e se crea e regula o Rexistro Profesional de Socorristas Acuáticos de Galicia.

Ir á noticia

ORZAMENTOS XERAIS DO ESTADO

Acordo para a mellora do emprego público. A letra pequena

Imos coñecendo máis datos sobre o acordo asinado entre os sindicatos maioritarios e o Ministerio de Facenda para a estabilización de emprego público. O primeiro que hai que sinalar é que as universidades non entramos neses plans iniciais de estabilización. Os sindicatos asinantes emiten estes días comunicados nos que intentan botar balóns fóra salientando a posibilidade de que se contemplen as prazas de PDI e PAS cando se constitúa un Grupo de Traballo para analizar en profundidade, a evolución do emprego público no sector universitario. Recoñecen, implicitamente, o raquítico papel que xogaron en todo este procedemento que obedece, máis que a súa capacidade negociadora, ás mobilizacións sociais (mareas en defensa da sanidade, educación...) e ás últimas sentenzas do Tribunal de Xustiza da Unión Europea respecto do persoal interino.

Ir á noticia

EGAP

Convocatoria de cursos

O DOG do 7 de abril publica a RESOLUCIÓN do 31 de marzo de 2017 pola que se convocan cursos de linguaxe xurídica galega media e superior para persoal ao servizo da Administración de xustiza e outros colectivos relacionados coa xustiza, que presten servizos dentro da Comunidade Autónoma de Galicia. Tamén publica a RESOLUCIÓN do 31 de marzo de 2017 pola que se convocan cursos de linguaxe administrativa galega para o persoal que preste servizo na Administración xeral da Comunidade Autónoma de Galicia e das entidades públicas instrumentais do sector público autonómico.

Ir á noticia

NON É CRISE. É O SISTEMA

Aumentan os fogares galegos que chegan “con moita dificultade” a final de mes

Son máis do 10%, tres puntos porcentuais máis que no primeiro trimestre de 2016. Incrementan as familias que teñen que recortar en gastos comúns ou recibir axuda económica de familiares e amizades.

Ir á noticia

COMITÉ CIDADÁN DE EMERXENCIA PARA A RIA DE FERROL

Nota de Prensa do CCE relativa a tese Cunha-Urgorri sobre REGANOSA

A tese Cunha-Urgorri, que nega a afectación da Ria polo impacto de Reganosa, carece de rigor e é contraria a estudos europeos feitos ao abeiro da CE, que cualifican o uso de biocidas e arrefriamento da auga como contaminación mariña.

Ir á noticia

MARCHAS DA DIGNIDADE

“A loita é o único camiño”, o berro das Marchas da Dignidade cara ao 27M

O vindeiro 27 de maio as Marchas da Dignidade volven a Madrid, a tres anos da histórica manifestación do 22M de 2014. Compartimos o Manifesto de convocatoria oficial das Marchas para a manifestación do 27M.

Ir á noticia

LINGUA - Valentina Formoso

Non queren!

Aproveitando a oportunidade que se me brinda neste espazo, quería poñerlle voz a Rosa e mais a Marta, nomes ficticios que representan a dúas mulleres reais que andan nos corenta anos. Teñen en común -entre outras cousas non relevantes para este artigo- a súa orixe (naceron en aldeas de dous concellos moi rurais do noso territorio), o lugar de traballo (unha empresa privada dunha cidade galega) e a profesión (ambas, administrativas). Tamén coinciden na súa lingua inicial, galego; na súa lingua de escolarización, castelán; na súa lingua familiar, galego; na súa lingua de formación, castelán, e , por suposto, na lingua que empregan no ámbito laboral, castelán.