Nun comunicado que posteriormente a Xunta de Persoal remitiu a todas as traballadoras e traballadores sinalouse que, por decisión maioritaria se acordara non presentarse na reunión que o xerente convocara o día 30 para tratar, entre outras cousas, a aprobación da proposta remitida a través do Servizo de PAS.
 
O venres o único sindicato que acudiu a reunión emitiu un comunicado no que se confirma o que era previsible. O xerente convocou a reunión do día 30 simplemente para anunciar que ía proceder á convocatoria do concurso de traslados segundo o proxecto enviado ao PAS o día 27. No comunicado enviado non se sinala ningunha xustificación para que o concurso non contemple as prazas do Servizo de Informática e Comunicacións, tampouco se explicita se se lle requiriu esa xustificación. É incomprensible e inaceptable, para nós, que as compañeiras e compañeiros do servizo sinalado teñan que agardar indefinidamente para poder participar no concurso. Mediante esta artimaña o reitor e xerente dótanse dun tempo “extra” para as súas manobras.
 
Nesta semana reunirémonos para tratar sobre as actuacións que corresponde realizar no camiño de conseguir que o concurso cumpra cos acordos alcanzados no seu día: bases do realizado no ano 2014 contemplando todas as vacantes.