A medida que adopta a consellería para desenvolver o decreto abre a porta á implantación do terzo de materias en inglés. “Xustamente esta medida se introduciu no decreto coa clara finalidade de reducir a presenza do galego baixo o prexuizoso argumento de que temos que saber desenvolvernos en idiomas estranxeiros, mais non coñecer a nosa lingua propia.

Con esta decisión a Xunta pasa por riba dun dos motivos para o informe negativo do Consello Consultivo, pois como alí se di: “Ese máximo dun terzo do horario podería resultar desproporcionado con relación ao horario que se dispensa ás dúas linguas oficiais , pode supor un sacrificio para a aprendizaxe oral e escrito das linguas oficiais, tendo en conta os mandatos e fins tanto do Estatuto de Autonomía de Galicia coma da Lei de normalización lingüística e da Carta europea das linguas rexionais e minoritarias”.