Tras despregar unha pancarta co lema “Desarma Madrid” e envorcar pinturas de cores sobre os seus corpos, a Policía procedeu á súa identificación. Quen carecía de documento de identidade, foron trasladados a dependencias policiais.
 
O colectivo antimilitarista responsable da protesta lembra que en Homsec  “comercialízanse armas que posteriormente son utilizadas contra os territorios ocupados en Palestina e contra poboación civil”.
 
Desarma Madrid tamén recalca que o promotor deste salón internacional, no que participan empresas como TASER, MBDA ou Navantia, “é o Grupo Atenea–Seguridade Nacional, armazón empresarial fomentado por personaxes vinculados co intento de golpe de estado de febreiro de 1981 e coñecidos pola súa vinculación aos ideais da extrema dereita”.
 
Máis de 15.000 visitantes procedentes de 40 países e 195 expositores participarán nunha feira da que se desvinculou o Concello de Madrid. Hai varios meses, o goberno municipal esixiu aos organizadores a retirada do logotipo do consistorio que aparecía no folleto do evento xa que “non existe apoio” da institución ao certame.
 
O martes, ás 19.00 horas, celebrouse unha concentración na Porta do Sol para esixir que non se volva a celebrar esta feira e que se poña en liberdade ás persoas detidas.
 
La Marea