Como informa a Xunta de Persoal na súa páxina web, a proposta rexeitouse de plano, insistindo no acordo unánime que se resume en que se o problema que se intenta resolver é o da excesiva mobilidade do persoal interino, o que corresponde é limitar esa mobilidade sen que se dilúa  o que se pretende coa mellora de emprego.
 
Analizouse, tamén, na reunión da Xunta de Persoal a dinámica á que se nos está a levar á Xunta de Persoal con reunións express de arredor de media hora para tratar un tema no que a Xunta de Persoal ten moi claro que non vai facer concesións obviando o tratamento doutros asuntos que tiñan que estar en marcha. Para a modificación da resolución de xestión de listas de agarda levamos 3 reunións deste tipo mentres que non sabemos nada de acordos asinados e que se tiñan que levar á práctica o ano pasado e dos compromisos asinados que se teñen que concretar no primeiro trimestre deste ano, tampouco sabemos nada da comprometida reunión para tratar exclusivamente sobre a acción social...
 
Na xuntanza posterior co xerente, púxoselle de manifesto esta circunstancia sinalándolle a urxencia de todo o sinalado, respondeu indicando que esta semana trasladará unha proposta para a convocatoria do concurso.