A manifestación en París, convocada espontaneamente e sen permiso das autoridades na zona de Barbés (no norte da cidade), reuniu a uns 400 activistas, segundo o goberno, e desembocou en enfrontamentos entre a policía e os manifestantes.
 
Rexistráronse danos materiais na área da protesta, que foi pechada ao tránsito, informou a axencia de noticias EFE. Non se informou se houbo detencións ou se se rexistrou algún ferido.
 
En Rouen, os medios franceses informaron que se produciron 21 detencións e dous feridos leves polos choques entre policía e manifestantes.
 
Desde que se divulgou o caso de Théo, varios barrios da periferia de París rexistraron incidentes por mor de manifestacións de apoio ao mozo que resultaron en centenares de detencións.
 
Segundo algunhas opinións, os tumultos, que suceden a menos de dez semanas das eleccións presidenciais, poden acabar como a revolta de 2005, caracterizada polo incendio de coches e violentos enfrontamentos entre centos de mozos e a policía francesa.
 
Telam