Deste procedemento informamos noutros boletíns e mesmo nas asembleas que realizamos.
 
O primeiro que fixemos foi definir e plasmar por escrito o que entendiamos por mellora de emprego. Partimos dun criterio moi xenérico consistente en que “todo o que mellora a situación e perspectivas laborais do persoal interino pode ser considerado como mellora de emprego”. Despois da pertinente negociación na que traballamos con unanimidade da Xunta de Persoal, chegamos ao pacto que contempla o Artigo 5 da Resolución.
 
Unha vez posta en práctica a resolución, maniféstase unha disfunción. A “excesiva” mobilidade do persoal incide na eficiencia dos servizos pois, segundo sinala algún deles non da tempo a que persoal se forme nas tarefas propias do servizo.
 
O xerente traslada esta circunstancia á Xunta de Persoal sinalando como primeira alternativa a eliminación de todos os apartados do Artigo 5 da resolución excepto o apartado a). A Xunta de Persoal rexeita inmediatamente a proposta de Xerencia sinalando que si a base na que se fundamenta a Xerencia é a excesiva mobilidade do PAS interino, o que compre é limitar esa mobilidade e non recortar os aspectos considerados como mellora de emprego, establecendo un tempo de permanencia para poder optar á mobilidade, este espazo temporal fixouse, por unanimidade da Xunta de Persoal en 6 meses.
 
Porque 6 meses? a verdade é que o tempo de permanencia podía ser outro, estableceuse esa temporalidade en base a que as contratacións de 3+3 meses, moi comúns nesta administración, sinalan unha temporalidade na que á persoa que ocupa o posto dálle tempo a coñecer a labor a desenvolver, e realizala durante un tempo prudencial.
 
Nas sucesivas reunións, levamos tres xuntanzas falando deste tema coa Xerencia, a última o pasado día 9, insistimos na consideración sinalada, o xerente segue a estudar a proposta alternativa.
 
Do concurso de traslados non sabemos nada. Non hai resposta á decisión adoptada pola Xunta de Persoal