A FSM condena da maneira máis enérxica o atentado criminal contra a vida do noso compañeiro AUGUSTO ALMEIDA, Secretario da Organización de SINTRAMIENERGETICA EL PASO. Os nosos afiliados e amigos do movemento sindical clasista de Colombia xa fixeran soar as alarmas contra a vulneración dos esquemas de seguridade por parte do goberno que non tomou medida algunha para protexer a vida da dirixencia sindical, fomentando desta maneira a acción criminal de varios grupos da extrema dereita que seguen actuando en plena impunidade. O asasinado do noso compañeiro ALDEMAR PARRA GARCÍA foi unha proba tráxica de que o derrame de sangue sindical continuará se non se toman medidas inmediatamente.
 
A FSM suma a súa voz á do heroico pobo colombiano que esixe da maneira inmediata o cesamento desta onda de asasinatos, atentados e ameazas contra os produtores da riqueza. Declaramos alto e claro que o movemento sindical clasista de todo o mundo está á beira dos nosos compañeiros e compañeiras de Colombia que sofren por unha represión e persecución destinada a silenciar as súas voces. Ademais, chamamos ao Goberno para tomar medidas urxentes para a protección dos sindicalistas e das súas familias e, á vez, responsabilizamos aos entes de control estatal por cada ameaza e arremetida contra o movemento popular.
 
Como expresión do movemento sindical internacional, brindamos unha vez máis nosa solidariedade cos nosos irmáns de Colombia e pronunciámonos contra cada un que queira identificar os sindicalistas cos delincuentes dos grupos paramilitares da extrema dereita.
 
Os nosos compañeiros e compañeiras non están sos!
 
Viva a solidariedade internacional da clase traballadora!
 
Mans fóra do movemento sindical colombiano!
 
O Secretariado