Opcións
Resístome a crer que as cousas son inmutables, a situación é complicada pero hai que buscar saídas. O reitor xoga con vantaxe, ten a facultade de facer, toma decisións e lévaas a efecto porque forma parte das súas prerrogativas. Nós, cada día máis débiles temos que responder na medida das nosas forzas. A estes personaxes aféctanlles de maneira determinante a mala prensa, as mobilizacións na medida que tamén os pode deixar co cu o aire, creando lazos entre os traballadores e servindo de panca para que os medios de comunicación se interesen por sabelo que pasa e, por outro lado, as sentenzas que evidencien o seu despotismo. Persoalmente paréceme que se deben utilizar todas esas opcións, ao mesmo tempo e de xeito inmediato.