Máis implicación
Comezo de ano, momento das boas intencións, que si ximnasio, cando non dieta, ou mesmo iniciar unha colección. Cousas todas que se sabe que máis cedo que tarde imos abandonar. No que nos concirne a nós, abandonamos antes de comezar. Clarificador a baixa participación na concentración do día 22 de decembro. Son consciente da data da convocatoria, aínda así pareceume que a asistencia foi moi reducida e con ausencias clamorosas. Se de verdade se pretende reverter a situación fai falta moita máis implicación.

Asembleas
Non se compren os acordos, engánannos con amortizacións pola porta de atrás, reservan prazas no concurso. Difícil situación, atravésase todo, quen ten a capacidade de executar os acordos quere renegocialos para impoñer novas condicións. Esta incerteza prexudica gravemente a credibilidade da Xunta de Persoal se só pretende navegar deixándose levar por un vento tan pouco propicio. O acordado ten que ser lei e executarse, senón negociar non serve de nada porque, quen nos asegura que non se intentará renegociar?. Cando as asembleas?