Farase unha recollida de sinaturas entre profesionais sanitarios e pedirase a aprobación dunha moción nos Concellos e Deputacións.
 
 Manifesto da Rede Galega polo Dereito á Saúde
 
MANIFESTO DAS/OS TRABALLADORAS/ES DA SANIDADE PÚBLICA GALEGA POLA DEROGACION DO REAL DECRETO LEI 16/2102
 
As/os traballadoras/es da sanidade pública galega, que firmamos este documento queremos expoñer o seguinte:
 
1.- Rexeitamos o “Real Decreto Lei 16/2012 de 20 de abril, de “medidas urxentes para garantir a sustentabilidade do Sistema Nacional de Saúde e mellorar a calidade e seguridade das súas prestacións”, por que acabou coa Universalidade da Atención de Saúde e puxo barreiras para acceder á asistencia, a unha parte da poboación, especialmente para a que ten máis problemas económicos, que empeza a ser maioritaria como consecuencia da crise.
 
2.- Non aceptamos que o dereito á asistencia sanitaria se fundamente na cotización laboral por que isto supón:

• A exclusión de inmigrantes en situación administrativa irregular, mozos e mozas, que nunca accederon ao traballo, parad@s de longa duración ou emigrantes españois retornad@s do estranxeiro.
• A fragmentación da Carteira de Servizos, para introducir novos copagos.
• A modificación da prestación farmacéutica, para ampliar o copago e estendelo @s pensionistas.

 
3.- Este Decreto, vulnera os códigos deontolóxicos das/os profesionais da sanidade, e condiciona a nosa actividade profesional, obrigándonos a rexeitar, por motivos burocráticos, a persoas doentes que acoden en demanda de asistencia, aos centros e servizos onde traballamos.
 
4.- Consideramos inaceptable a redución de gasto, como fundamento para estes cambios, sobre todo cando o aforro das medidas foi mínimo e xerou un sufrimento importante, especialmente a pensionistas, xente xoven e inmigrantes.
 
5.- Por todo iso, e ante o temor de que o novo goberno desenvolva todos os contidos pendentes do RD, esiximos a súa retirada e a posta en marcha de medidas de racionalización do Sistema Sanitario Público, baseadas en mellorar a eficiencia, en promocionar a saúde e a prevención da enfermidade con base na evidencia científica, en buscar a redución de gastos innecesarios e irracionais, e a implicación profesional e social na xestión do sistema sanitario.
 
DATA:
 
Por todo o exposto e por ser de xustiza,asinamos o presente escrito, para poder ter a forza suficiente para conseguir a Derogación do Real Decreto.
 
Promoven: Asociación Galega de Medicina Familiar e Comunitaria, Médicos do Mundo Galicia, Foro da Inmigración, Amnistía Internacional, Plataforma SOS Sanidade Pública e Asociación Galega para a Defensa da Sanidade Pública
 
SOS SANIDADE PÚBLICA