O Xulgado do Penal número 24 de Madrid absolveu a once persoas imputadas por desordes públicas –unha delas, ademais, por atentado á autoridade– no marco da manifestación convocada por Mocidade sen Futuro o 7 de abril de 2011 en Madrid.
 
O once persoas detidas estaban acusadas de poñerse de acordo” para “alterar a paz pública”, segundo a Fiscalía, lanzando pedras e obxectos aos axentes de policía, ademais de queimar colectores e lanzar valos á vía pública. A un deles acusábaselle tamén de agredir a un axente de policía.  A Fiscalía pedía para eles penas de entre un e tres anos de cárcere.
 
A sentenza absolutoria, á que tivo acceso Diagonal, sinala que durante o xuízo non quedou probado que os manifestantes actuasen en grupo, nin tampouco xustifican os supostos danos e alteracións na vía dos que se lles acusaba. Tampouco dá por probado que a persoa acusada de atentado á autoridade fose quen lanzou unha pedra contra un dos axentes.
 
"Estamos moi contentos coa sentenza", sinala a Diagonal o avogado Daniel Amelang, membro de Rede Xurídica. "É o único resultado posible: os policías recoñeceron que non lembraban ben os feitos e os seus relatos atopábanse infestados de contradicións", engade.
 
A manifestación, convocada por Mocidade sen Futuro baixo a lema ‘Contra os recortes á mocidade’, celebrouse en polo menos sete capitais de provincia, impulsada por colectivos universitarios que protestaban contra a privatización da educación e a precarización da mocidade. Foi unha das mobilizacións que precederon ao movemento 15M, que explotaría un mes despois nas prazas de centos de cidades.
 
En Madrid, a convocatoria reuniu a máis de 2.000 persoas, que marcharon desde a praza de Antón Martín ata o Museo Reina Sofía, en Atocha.
 
Recollido de Diagonal Periódico