A aprobación da Oferta de Emprego Público do PAS lévase ao Consello de Goberno do 21 de xullo de 2016 (Orde do día). A documentación aportada para a súa aprobación non reflectía ningunha amortización nin verbalmente se sinalou esta circunstancia, na acta desa reunión aprobada na sesión do 28 de setembro non se contempla tal condición. O Consello de Goberno aprobou a Oferta de Emprego sen ter coñecemento de todo o que implicaba, feito gravísimo e, como sinalamos anteriormente, circunstancia que nunca se produciu nesta universidade.
 
Este reitor e equipo non só enganan e ningunean ao PAS, o seu proceder ilegal abrangue a toda a comunidade universitaria e aos seus órganos de representación nos que se toman as decisións.
 
A posición da Xunta de Persoal, neste caso, é unánime, esixir ao xerente e ao reitor que todas as prazas vacantes saian a concurso, de non facelo deste xeito actuaremos contundentemente contra todas as ilegalidades cometidas que, como se observa, foron máis de unha.
 
A manobra urdida polo reitor evidencia a intención de impedir que unhas moi determinadas prazas saian a concurso, feito que non podemos tolerar.
 
Para a defensa da legalidade e dos dereitos das traballadoras e traballadores utilizaremos todas ferramentas ao noso dispor, a mobilización, a denuncia pública e nos xulgados, (nos que involucraremos, tamén, á Consellería) e, de ser necesario, utilizaremos o mecanismo previsto para que o Claustro Universitario inicie o procedemento para realizar unhas novas eleccións a reitor.
 
A Xunta de Persoal convocou unha concentración o vindeiro día 22 de decembro, coincidindo coa sesión do Consello de Goberno, coa que iniciaremos o camiño sinalado e á que vos chamamos a participar. Non podemos quedar parad@s diante da ilegal actuación do reitor.