O levantamento convocouse pola Unión Brasileira de Estudantes Secundarios (UBES), que organiza unha caravana con mozas de todo o país para ‘ocupar’ Brasília o próximo día 29, cando o plenario do Senado Federal votará en primeira instancia a chamada ‘PEC do fin do mundo’.
 
O movemento de ocupación das institucións de ensino comezou en outubro último e para finais dese mes contabilizábanse máis de mil 100 escolas de nivel medio ocupadas en 19 estados e o Distrito Federal de Brasília, así como 82 universidades e catro núcleos rexionais de educación.
 
A promulgación de Temer dunha Medida Provisional (MP 746) para reformar o ensino medio foi o detonante das protestas, que despois asumiron tamén como bandeira a loita contra a PEC que limitará por dúas décadas os gastos en sectores crave como a saúde e a educación, como parte dun severo axuste fiscal.
 
Segundo os estudantes, a MP que ‘deforma’ a educación no nivel medio, adoptará, entre outras cousas, a chamada quenda integral e reducirá o número de disciplinas obrigatorias, que actualmente son 13 e eliminará o ensino de Artes, Educación Física, Socioloxía e Filosofía.
 
PL