Informe do secretario xeral:
Antes de fin de ano quérese regular as estruturas societarias (FUAC...) adaptándoas ás normativas vixentes pois non poden ter participación privada sendo, obrigatoriamente 100% públicas. Isto non quere dicir que se vaian a realizar integracións pois quérese seguir aproveitando, no caso da FUAC, a posibilidade que outorga de poder realizar contratacións á marxe da contratación pública, non ter que facer licitacións...
 
Informe do xerente
“Nada que sinalar”
 
Punto 3 .- Contratos e convenios
A representación da APA sinalamos o desacordo cos convenios asinados coa FUAC polos que se lle transfire a xestión económica dos títulos propios. Parécenos que a externalización da xestión é incongruente e incluso nos parece que posiblemente ilegal. Se a universidade non xestiona os seus propios títulos dun xeito integral, tanto na parte académica como económica entendemos que incumpre as súas finalidades.
 
O reitor sinala que a normativa que regula os títulos propios de 2006 permite esta circunstancia, que a xestión académica faise desde a institución e que a económica farase desde a FUAC.
 
Respondemos que isto evidencia aínda máis a incongruencia dos convenios específicos asinados. Pedimos votación na que só votamos en contra a representación do PAS.
 
Quenda aberta de intervencións
 
Representación de APA
Reclamamos, de novo, que as traballadoras e traballadores que desempeñan cargos académicos teñan as mesmas exencións horarias que o PDI que ten esas encomendas, en concreto sabemos que a compañeira de Ferrol para a que reclamaramos esa circunstancia aínda non ten regulada a súa situación.
 
Por outra parte hoxe aprobamos a Normativa de atención á diversidade da UDC, nela sinálase:
 
“Artigo 5. Funcións