A desfeita lexislativa que no eido da educación realizou o PP na anterior lexislatura só ten unha solución que, ao noso entender, pasa pola eliminación, sen deixar ningún rastro, do proxecto neoliberal urdido dende o PP e que se concretou na LOMCE, Decreto de 3+2...
 
A cidadanía e a comunidade educativa que se mobilizaron, demostrando o rexeitamento social que esas imposicións merecen, non entenderían que se fixaran concesións neste terreo
 
A suposta inestable situación do partido no goberno non debe facernos pensar que é segura a derrogación de todo o paquete de medidas aprobado polo PP, a debilidade da oposición, tanto en número como nas súas propostas, obríganos a estar vixiantes e a continuar e impulsar as mobilizacións.