Unhas declaracións que teñen que ter consecuencias
Nos boletíns anteriores comentastes que reclamarades o cese de Xavier Alcalá polas declaracións nas que denigraba ás persoas con discapacidade. Nos órganos nos que o fixestes estaba presente a vicerreitora de “Responsabilidade Social” que, en boa lóxica, debería ser a primeira en reclamarlle ao reitor a toma de medidas que rematasen no seu cese. O silencio desta persoa, a súa submisión diante dun feito de tanta gravidade deslexitímaa a ela tamén para seguir no cargo. Todo iso sen que diminúa nin un gramo a responsabilidade do reitor que debería actuar inmediatamente.

Radon
Alí onde se fan medicións, recóllense datos que evidencian o alto índice de gas Radon, tamén parece que nos atopamos diante dunha praga bíblica, a única solución é a aireación da estancia e nos casos de máis incidencia o seu peche. Dásenos a imaxe de que a nivel construtivo a situación non ten solución. De verdade non se pode facer nada?. De ser certo que, de momento non hai remedio, tendo como temos titulacións relacionadas coa construción, a ningún dos agudos investigadores se lle ocorreu iniciar un proxecto nesa dirección?.