Desde a empresa intentan minimizar os efectos do procedemento presentado sinalando que só afectará ás seccións administrativas. Aínda que así fose, opoñeriámonos con igual determinación porque non podemos permitir a destrución de ningún posto de traballo. De tódolos xeitos esa interpretación choca directamente coa comunicación remitida ao Comité de Empresa e que reproducimos.
 
A empresa fundamenta o despedimento colectivo en causas económicas establecendo como data de inicio o 25 de novembro.
 
A UDC ten aberto o proceso de licitación para a contratación da empresa que se encargará da seguridade nos Campus de Ferrol e da Coruña. A circunstancia de que Segur Ibérica, a empresa coa que actualmente ten o contrato, presentase ese expediente de despedimento colectivo fai máis urxente que a tramitación se leve adiante.
 
En todo caso, igual que fixemos cando @s traballador@s de Linorsa, empresa que tiña a concesión da limpeza en varios centros da universidade, tiveron problemas co cobro de salarios, poñémonos a disposición dest@s compañeir@s para facer o que for preciso na defensa dos seus dereitos.