Esta circunstancia ten dous efectos perniciosos, por un lado evidencia o alto número de traballador@s que, na administración, sofren as consecuencias dun emprego precario. Por outro lado tamén é un sinal do paulatino deterioro do servizo que as administracións públicas prestan á cidadanía e, en especial, aos colectivos con menos medios económicos que son os que máis dependen dos servizos públicos.
 
A alta e, polo que sinalan as estatísticas, crecente eventualidade, xunto coas últimas sentenzas da UE e xa dalgúns xulgados do estado, deberían repercutir nunhas ofertas de emprego que solucionasen esta situación. Unimos a nosa voz ás que noutras administración se pronunciaron neste senso. Na nosa universidade así o requiriremos nas negociacións da Oferta de Emprego Público do ano 2017.