Sobre os trienios a Xerencia acepta a homologación dos trienios do persoal funcionario aos do persoal laboral. A homologación realizaríase nun periódo de 4 anos, o prazo no que se propón levar a efecto o proceso de funcionarización.
 
No apartado de clasificación profesional discutíronse as alternativas de cada unha das partes pero non se concretou proposta.
 
No que fai mención ao marco financeiro estableceuse que o proceso tería un custo de arredor de 1 millón de euros  dos que 600.000 euros sairían dos “aforros” derivados da funcionarización e os outros consolidaríanse a razón de 100.000 euros anuais durante os catro anos de duración do proceso. Tamén se sinalou que durante eses catro anos dedicaranse 200.000 euros anuais para ampliación de prazas que financiarían o incremento de arredor de 6 prazas por ano.