NÚMERO 332 - 31/10/2016
CUTUDC / Novidades
OPINIÓN - Ignacio Escolar
As mentiras de Mariano Rajoy no seu discurso de investidura
Un repaso ás mentiras e medias verdades no discurso de investidura. En negritas, as citas de Rajoy.
-
Noticias relacionadas
Mariano
Rajoy: “España é o país que máis emprego crea”
Taxa de crecemento de emprego no segundo cuadrimestre de 2016 nos países europeos
Fonte: Eurostat | gráfico: eldiario.es
“España é fiable e iso tradúcese nos intereses que paga a nosa débeda”
Falso. A prima de risco de España –e do resto dos países europeos– reduciuse enormemente grazas á compra de débeda por parte do Banco Central Europeo. Foi Mario Dragui e o seu famoso discurso de finais de xullo de 2012 –“O BCE fará todo o necesario para soster o euro, e, créanme, iso será suficiente”– o que provocou esta baixada nos intereses da débeda pública: de España e de todos os demais.
Aquí está o gráfico da prima de risco española comparada coa italiana.. É fácil adiviñar o día en que o BCE empezou a actuar.
grafico prima de risco br />
“Os españois mostraron en dúas ocasións, tanto en decembro como en xuño, a súa clara preferencia polo Partido Popular”
Falso. Os españois sinalaron en dúas ocasións ao Partido Popular como a minoría máis votada. Pero a maioría dos españois votaron outras opcións. É certo que os demais partidos foron incapaces de pactar unha alternativa, pero que o PP lograse o 33% dos votos non é unha “clara preferencia”, por moito que Rajoy o repita sen cesar.
“Parece razoable que nunha democracia consolidada como a nosa, goberne a forza política que teña máis apoios entre os cidadáns”
Falso. Agora mesmo, só en 4 dos 28 países europeos goberna un só partido. E en cinco deles –Dinamarca, Bélxica, Luxemburgo, Letonia e Portugal– o primeiro ministro ou presidente non é o candidato do partido máis votado. Democracias europeas moito máis consolidadas que a nosa teñen unha larguísima tradición de gobernos desta condición.
“En España desde 1977 sempre gobernou a forza política que contou con máis apoios populares”
Falso. Hai precedentes máis que dabondo en gobernos autonómicos e municipais, que son tan democráticos e tan españois como o goberno central. E o propio Partido Popular participou en numerosos gobernos sen o partido máis votado. Fixérono en Euskadi, aliados co PSE contra o PNV. Fixérono no Concello de Madrid, apoiados no CDS contra o PSOE. E fixérono tamén en Valencia, para encumiar á entón segundoa Rita Barberá.
"Dar un impulso á Formación Profesional, de maneira que 100.000 alumnos poidan acceder ao sistema de FP dual que tan bos resultados está a dar”
Falso. Os “bos resultados” son un fracaso en realidade. Só un 1% dos alumnos estudan a FP Dual, esa gran aposta do PP contra o paro xuvenil.
“O compromiso coa limpeza da vida pública incúmbenos a todos os presentes”
Falso. Salvo que aceptemos que o presidente dos sobres, o presidente do partido da caixa B, o presidente do “se forte” a Luís Bárcenas sexa alguén comprometido coa limpeza da vida pública. Mariano Rajoy tamén é o presidente dun partido imputado polo seu gran compromiso na destrución de probas para impedir unha investigación xudicial de corrupción.
“Necesitamos un goberno aberto ao diálogo. Iso é o que ofrezo. Estou disposto a negociar canto sexa necesario todas as decisións”
Falso. Salvo que o ofrecemento de Mariano Rajoy inclúa unha desculpa por todo o que fixo ata hoxe. Nos últimos 300 días, o diálogo do Goberno en funcións consistiu en desprezar ao Parlamento e negarse a someterse ao seu control. A súa procura de acordos cos demais partidos resumiuse en sentar a esperar a súa rendición. Mesmo o seu pacto con Cidadáns –o único e insuficiente acordo que o PP logrou– empezou porque Albert Rivera deu o primeiro paso. Rajoy non se moveu.
"Debemos asumir a necesidade de diálogo, non como unha peaxe incómoda, senón como unha oportunidade de consolidar reformas amplas e duradeiras",
Xusto o contrario ao que fixo durante os seus catro anos de maioría absoluta con todas e cada unha das leis que aprobou. Hoxe mesmo, a comunidade educativa está de folga contra a LOMCE: unha reforma que non quixo negociar con ninguén máis.
&“Teño o deber de poñer fin a esta situación, de evitar unhas novas eleccións, e fágoo tan pronto como percibín que as circunstancias cambiaron.”
Isto é un eufemismo, unha media verdade. “As circunstancias” non cambiaron. Só o PSOE, que presentou a súa rendición. Mariano Rajoy segue sendo o mesmo presidente mentireiro e manchado pola corrupción
Recollido de Escolar.net.
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript