O baixísimo nivel da oposición
Ten moita sorte o equipo de goberno da nosa universidade, por certo, de moi baixo nivel, porque a oposición ten aínda menos. Demostrouse coa feira que montaron con isto da pequena redución de cargos e a mínima redución de departamentos. O razoable neste caso, ao meu limitado xeito de ver, sería, se é verdade o que din, que a primeira liña da denuncia estivese ocupada polo sindicato que os apoiou, e eles nun segundo plano apoiando a denuncia. O feito de que non se fixese deste xeito significa, sempre ao meu entender, ou que as razóns, non son moi consistentes, ou ben foi a demostración da súa limitadísima capacidade porque o afán de protagonismo restoulle lexitimidade.

Concurso
Ola. Son unha das persoas que se funcionarizaron na segunda fase. A convocatoria do concurso neste momento impídeme participar nel porque cumpro os dous anos como funcionario no mes de xaneiro do ano 2017. Xa que o proceso vai xa fóra dos prazos marcados, non se podería agardar algo máis e convocar cando os que estamos nesta situación cumpramos os requisitos?. Sería cousa dun mes. Grazas.