1º.- Este verán o SERGAS pechará 1.200 camas hospitalarias, 746 camas máis que no ano 2009 cando se pecharon 454. Como nestes anos recortáronse 723 camas públicas. O peche estival paso do 5,7% do total de camas no ano 2009 ao 16,5% (65,4% máis). Esta decisión é incompatible cunha atención de calidade e contribuirá a incrementar aínda máis unhas listas das listas de espera, que creceron de 70 días en decembro do 2008 a 78,8 en decembro do 2015 (19 días máis que os 60 que establece como tope máximo a Lei de Garantías Sanitarias de Galicia) e favorecerá novos desvíos de pacientes a centros sanitarios privados.
  

	Camas públicas	Peche de camas verán	% camas pechadas verán
2009	7.973	454	5,70%
2010	8.010	580	7,20%
2011	8.010	670	8,40%
2012	7.765	780	10,10%
2013	7.581	932	12,30%
2014	7.563	1.095	14,50%
2015	7.501	1.200	16%
2016	7.250	1.200	16,50%
Diferencias 2009-2016	723	746	65,40%

 
2º.- A decisión de non cubrir as prazas de profesionais de vacacións nos Centros de Atención Primaria provocará, novamente, aumentos máis demoras nas consultas (nalgúns centros superan a semana), a anulación de citas ou ata a pechadura de consultas. Como en Galicia o 40% dos cupos de Primaria esta masificado ao superar as 1.400 cartillas individuais, estes recortes reducirán aínda máis a capacidade resolutiva e a calidade da atención primaria e contribuirán a conxestionar os servizos de urxencias (1 de cada 3 galegos acode anualmente a estes servizos), xerando así unha espiral de deterioro de todo o sistema, moi afectado polas xubilacións forzosas e a amortización das vacantes xeradas. Os recortes das plantillas incrementan o desemprego na sanidade, e empuxa a migrar a outros servizos de saúde e a Europa do persoal altamente cualificado.
 
3º.- En Vigo, por primeira vez na historia do sistema público galego privatizouse o financiamento e xestión dun Complexo Hospitalario, que esta sendo acompañada polo desmantelamento do Hospital do Meixoeiro que teñen por finalidade favorecer e prolongar o Concerto Singular coa clínica privada POVISA.
 
Desde a Plataforma SOS Sanidade Pública facemos un chamamento á poboación de todas a Galicia e aos profesionais que traballan nos centros sanitarios do SERGAS a mostrar a súa indignación e rexeitamento co:

• Peche de camas hospitalarias no verán
• A non cobertura das vacacións nos Centros de Saúde
• Desmantelamento do Hospital do Meixoeiro
• con concentracións e manifestacións fronte aos centros sanitarios, en colaboración coas Xuntas de Persoal de cada Área.