NÚMERO 320 - 20/06/2016
CUTUDC / Novidades
LOITA OBREIRA
O socialdemócrata Hollande ameaza con prohibir as manifestacións obreiras en Francia
A historia repítese unha e outra vez. Ensínanos, por exemplo, que cando as clases dominantes se ven acosadas polas clases populares, o Estado que as representa reacciona violentamente contra estas últimas. Non é esta unha situación nova. Produciuse en innumerables ocasións ao longo da historia dos séculos. Outra cousa é que esquezamos estas ilustrativas leccións tantas veces como se produciron.
-
Noticias relacionadas
Este mércores, o presidente de Francia, François Hollande, quixo advertir á rebelde clase obreira francesa que está disposto a prohibir as manifestacións que se están realizando en todo o pais contra da reforma laboral. E iso en nome da seguridade "da patria" .
Durante a celebración do último Consello de ministros, o socialdemócrata Hollande advertiu:
“Nun momento no que Francia alberga a Eurocopa, e cando se enfronta ao terrorismo, non poderá haber máis autorizacións de manifestacións se non se garante a preservación dos bens, das persoas e dos bens públicos
E agregou: “Se non se dan as condicións para protexer os bens persoais ou públicos, e de momento estas non se dan, tomaranse decisións caso por caso para impedir a realización de manifestacións ”
Pola súa banda, o primeiro ministro de orixe española, Manuel Valls, deu a orde ás autoridades competentes de que non se permitan grandes concentracións durante o desenvolvemento da Eurocopa.
A clase traballadora francesa, que se opón á reforma laboral, mantén que a nova lei prexudica os dereitos dos traballadores en beneficio do empresariado.
Pero as opinións dos obreiros franceses non están illadas na sociedade francesa. Mesmo no propio Partido Socialista francés, existen amplos sectores que se opoñen á súa aplicación porque, segundo eles, proporciona aos patróns amplos poderes para proceder a despedimentos masivos e realizar reestruturacións arbitrarias das xornadas laborais.
A reforma laboral francesa ten destacables coincidencias coas postas en vigor en España polos gobernos do PSOE e do PP. A diferenza estriba, con todo, en que mentres que en España os sindicatos acabaron adaptándose docilmente ás mesmas , en Francia son os que están a encabezar as protestas en contra da súa aplicación.
Canarias Semanal
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript