ENLACES RELACIONADOS

Entrevista ao Vicerreitor de Cultura e Comunicación. 

Entrevista ao Coordenador da asocieación de estudantes IESGA.

Entrevista ao Presidente do Comité de Empresa

 

A  maioría do Comité (CUT) amósase contraria a este proceso polo que implica de mercantilización da Universidade, que, por esta vía camiña, a unha paulatina privatización.

 

Neste contexto a integración presupón unha competencia constante entre universidades, polos recursos económicos, polos mellores docentes, alumnos, etc.

 

Un deses marcos de competencia ábrese cando, anualmente, o Ministerio de Educación convoca “O Programa Campus de Excelencia Internacional” que baixo unha teórica intención de mellorar a calidade, especialización e a internacionalización, en realidade o que se fai é abrir unha vía para o financiamento.

 

Por esta via, o ano pasado, a Universidade de Santiago ingresou máis de 7 millóns de euros.

 

Esta circunstancia non deixa de ter os seus perigos, por un lado como por esta vía se acada un suculento financiamento, córrese o perigo de esquecer outras ramas de “coñecemento” que quedan fóra do ámbito da especialización.

 

Por exemplo a Universidade de Santiago co Campus da saúde e o de Vigo, co campus do mar corren o perigo de esquecer outros ámbitos da educación porque estes rentabilizan económicamente.

 

Referíndonos ao Campus que anunciou a nosa Universidade “Tecnoloxías para a sustentabilidade económica, social e ambiental”:

Sabemos que:

 

O proxecto de Tecnoloxías para a sustentabilidade marca catro obxectivos fundamentais:

1. Potenciar un polo de xeración, difusión e transferencia de coñecemento en Tecnoloxías para a sustentabilidade económica, social e ambiental.

2. Desenvolver unha oferta de posgrao interuniversitario e internacionalizado de calidade, diversificado e sustentable.

3. Desenvolver, a través do seu modelo de Campus territorial, unha rexión urbana integrada mediambientalmente responsable, dinámica e aberta, ecosistema dunha sociedade creativa e emprendedora.

4. Consolidar un sistema de xestión universitaria dos recursos sustentable, con mecanismos que aseguren a calidade e a rendición de contas á sociedade.

Sabemos o que, por carta, nos comunicou o sr. Reitor.

 

No Consello de Goberno  do día 25 de febreiro de 2010 déusenos conta aos membros do Consello de Goberno dos acordos acadados polas tres universidades galegas a respecto dos Campus de Excelencia Internacional, informouse que a Universidade da Coruña ía presentar o seu propio proxecto.

 

Uns meses despois, e sen pasar polo Consello de Goberno faise a presentación pública do Campus da Sustentabilidade.

 

Entendemos que este non debería ser o procedemento, o normal debería ser que, antes de expoñelo públicamente, o reitor, nese marco onde estamos presentes todos os órganos de representación da Comunidade Universitaria, se fixese a correspondente presentación e se nos informase de que se espera de cada ún dos sectores que conformamos a dita comunidade, endefinitiva, que imos aportar e en que circunstancias.