Xuño de 2016
 
 

NÚMERO 319 - 13/06/2016

   CUTUDC / Novidades

  UNIVERSIDADES - XUNTA DE GALIZA
 

Devolución do ilegalmente recortado da extra de 2013

A noite do 9 de xuño, comezou oficialmente a campaña electoral, ese mesmo día o Consello da Xunta de Galiza que tivo lugar en San Caetano aprobou o proxecto de lei polo que se aproba unha retribución de carácter extraordinario para os empregados do sector público autonómico de Galicia, en concepto de recuperación dos importes efectivamente deixados de percibir na parte proporcional ao tempo de servizos prestados no período comprendido entre o 1 de xaneiro e o 28 de febreiro de 2013, con este acto a Xunta de Galiza entra en campaña para arrastrar algún voto de algún ou algunha incauto/a funcionario/a.

 

  • Noticias relacionadas

 

 

Neste lavado de cara contou coa inestimable colaboración dos sindicatos do sistema que, no canto de reclamar a execución das múltiples sentenzas, agora xa do Tribunal Supremo, préganse aos intereses do goberno de turno esquecéndose de reclamar todo o que nos roubaron nestes anos pasados, mostrando como unha vitoria da negociación, con eles claro, o feito de que, a partires do ano vindeiro xa non se nos descontará nas extras o complemento específico.
 
.Tamén, entr os acordos asinados cos sindicatos figura tal e como se sinala nun dos parágrafos do comunicado:
 
“Así, a Xunta acordou cos sindicatos que, de maneira voluntaria, un traballador poida solicitar a partir dos 61 anos unha xubilación parcial, cunha redución da súa xornada entre un mínimo dun 25% e un máximo do 75%. Cada unha destas xubilacións tradúcese nun novo traballador ocupado, xa que por cada traballador que se xubila contrátase un desempregado.”
 
Quédanos moito por recuperar, estas esmolas electoralistas non nos poden facer esquecer quen son os culpables dos recortes.
 
Comunicado emitido pola Xunta de Galiza

DOG.- Acordo Xunta sindicatos CCOO, CSIF e UGT

 

 

 

 

 

 

 

 


CUT da UDC . SEMPRE DO LADO DAS TRABALLADORAS E TRABALLADORES

Quen somos | Contacto | Axuda

cutudc.com, 2009. Publicado baixo licencia Creative Commons DHTML Menu By Milonic JavaScript