O Fondo Monetario Internacional prevé que a economía española creza un 3,1% este ano, dúas décima máis do que espera o goberno. Ata aí o bo. O malo: outra vez piden máis recortes. Subir o IVE, copago en Sanidade e Educación, abaratar o despedimento e un contrato único son a súa receita para consolidar a recuperación.
 
O Fondo Monetario Internacional avoga por aumentar os impostos especiais e ambientais e por unha gradual redución dos tratamentos preferentes no imposto sobre o valor engadido, así como un aumento do copago da Sanidade e a Educación nas comunidades autónomas.
 
No informe que fixo público o FMI sobre as perspectivas económicas de España, o organismo internacional asegura que debería fortalecerse o marco fiscal autonómico e incluír mecanismos de mutualización da débeda ou impostos alternativos que permitan o financiamento das autonomías en épocas de crise.
 
O obxectivo para o FMI é mellorar a recadación de ingresos. O FMI valora que España continuase reducindo o déficit fiscal a medida que a economía se recupera, pero advirte de que o nivel de débeda pública é moi elevado e aínda segue aumentando.
 
Na súa opinión, os ingresos extraordinarios derivados dos baixos tipos de interese, dun crecemento maior do esperado e da redución de presións deflacionistas deberían utilizarse para reducir máis o déficit e garantir unha traxectoria decrecente dos niveis de débeda.
 
Lasexta.com
 
O dito, ou acabamos co sistema, ou o sistema acabará con nós.