A convocatoria a quenda libre de prazas dos subgrupos A1 e A2 eliminaraas tanto da promoción como do concurso de traslados, porque, no caso contrario, poderían ser ocupadas por funcionarios de carreira imposibilitando a súa oferta posterior polo método que se determine, normalmente concurso oposición.
 
Segundo o comentado nas asembleas realizadas estes días pasados, algunha compañeira non entendía este vínculo entre a convocatoria por quenda libre e a súa retirada das prazas a concurso, parece polo tanto necesario algún comentario ao respecto.
 
De convocatorias anteriores pode haber compañeir@s que promocionaron sen mobilidade, á espera precisamente de que no concurso de méritos aparezan prazas que lles posibiliten a promoción real ao subgrupo que acadaron. De ofertarse todas poderían ser ocupadas por est@s compañeir@s, de aí que entendamos que serán retiradas do concurso.
 
Outra pregunta que se repetiu en case todas as asembleas fai referencia á situación d@s compañeir@s interin@s do grupo C2 que, segundo o reflectido no Acordo de Funcionarización xa serán do grupo C1. No dito acordo establécese:
 
“5º.· Rematado o proceso de funcionarlzaclón, e de acordo coa normativa xeral de Función Pública, aos funcionarios procedentes dos extintos grupos laborals 4A e 4B se lles ofertará unha convocatoria extraordinaria de promoción Interna ao grupo superior das súas respectivas escalas especiais, isto é, ao grupoC1 e C2 respectivamente, ao mesmo tempo que se oferte ao persoal funcionario da escala xeral auxiliar a súa promoción ao grupo C1.