Ao sinalado no comunicado da Xunta de Persoal temos que engadir que o acordo de promocións alcanzado no seu día co xerente e asinado posteriormente co reitor contemplaba todas as prazas das escalas de arquivos, bibliotecas e museos da universidade. Advertimos de xeito reiterado á Xerencia que o cómputo de prazas que se facía na convocatoria de promoción non correspondía co acordo alcanzado. A Xerencia confirma pola vía dos feitos que a súa intención foi a de non cumprir o acordado.
 
A medida que se trata de impoñer mediante a OEP representa un importante recorte nos dereitos de todo o persoal funcionario ao restrinxir a promoción e os concursos de méritos. A situación parécenos tan grave que esixe unha resposta firme e unitaria por parte de todo o colectivo.