A Universidade de Compostela, a última en incorporarse a este proceso a Xerencia, enmarcado dentro do Plan Económico-financeiro de Reequilibrio, debido á débeda institucional, contempla na súa proposta:
 
DIMENSIONAMENTO DE RECURSOS NECESARIOS:
 
-A funcionarización de persoal laboral, para xerar incentivos para a súa participación nese proceso, pode esixir un importe estimado en arredor de 300 mil Euros, e un aforro en costes sociais de 1 millón de Euros na hipótese de que se dese unha participación efectiva e total do persoal. Tal perspectiva non se considera realista, sendo quizáis máis correcto supoñer que o persoal que poda participar de forma exitosa no proceso sexa o 60% do total do cadro actual, o que aportaría un aforro en custes sociais duns 600 mil Euros. Con tal formulación, os recursos netos que, en 4 anos, poderían liberarse pola funcionarización a destinar a outras finalidades, sería de 300 mil Euros.
 
-A dotación de novos efectivos, supoñendo que se puidese producir a un ritmo de 6 prazas anuais, cun coste promedio de 30.000 Euros por praza, requiriría 180 mil Euros anuais, e 720.000 €(e 24 prazas) en catro anos.
 
-A corrección de desequilibrios retributivos entre colectivos, requiriría aproximadamente outros 100 mil Euros anuais ( 400 mil en 4 anos).
 
-Por último, os axustes derivados da reorganización de servizos, esixirían dispoñer como mínimo da orde de 75.000 Euros por ano (300 mil en 4 anos).
 
Con estas cifras, o balance sería o seguinte:
 
NOVOS GASTOS
 

Novos efectivos	720.000 €
Corrección de desequilibrios entre colectivos	400.000 €
Incentivos á funcionarización	300.000 €
Reorganización de servizos	300.000 €
TOTAL DE NOVOS GASTOS	1.720.000 €
AFORROS DERIVADOS DA FUNCIONARIZACIÓN	600.000 €
RECURSOSORZAMENTARIOSESIXIDOS	1.170.000 €
Promedio orzamentario anual a adicar á política de PAS	292.500 €

 
Dadas as circunstancias do PGFU tal cantidade considérase viable (en 2016 vanse adicar 200 mil Euros á mesma finalidade ).
 
Para abordar esta proposta, considérase necesario establecer a mesa xeral de negociación do persoal funcionario e laboral de administración e servizos prevista no artigo 46 dos Estatutos, e unha validación destes criterios no ámbito institucional, no marco das liñas xerais definidas polo Claustro, e desenvolto, en paralelo á negociación no plano sindical, a través de acordos do Consello de Goberno e do Consello Social.
 
Proposta da Xerencia da UVigo
 
Proposta da Xerencia da USC