O TSXG desestima o recurso interposto pola Xunta e ratifica a sentenza do Xulgado do Contencioso-Administrativo número 1 de Ourense, que considera probado que "os sucesivos chamamentos da actora para prestar os seus servizos" no hospital de Verín respondían "a unha necesidade estrutural que se prolongou durante máis de catro anos" e que esta "non tiña que ver", por tanto, "con razóns de carácter temporal, conxuntural ou extraordinario".  

O Xulgado conclúe que a Administración sanitaria "incorreu nun abuso de dereito e infracción dos dereitos básicos dos traballadores e empregados públicos (mesmo temporais) ao non renovarlle o seu nomeamento" a unha persoa que levaba "traballando para ela de forma continuada e ininterrompida durante un prolongado período de tempo" --superior a catro anos-- "pola única razón" da baixa por enfermidade.
 
“Iso non significa que a reincorporación vaia a ter un carácter permanente”, continúa o maxistrado, quen sostén que o Sergas deberá "crear e prover a praza" mediante o correspondente procedemento de "concorrencia competitiva ou amortizala, se por circunstancias ben xustificadas, resultase innecesaria".
 
Publicado polo Consello Xeral do Poder Xudicial
 
Arquivos asociados
 
TXJG Contencioso 6 abril 2016
 
Xdo Cont Ourense 1 9 jun 2015