Non foi a oposición política, que ten todo o dereito a denunciar, se non o Fiscal o que pediu unha investigación por homicidio imprudente e por prevaricación administrativa. Non foi a oposición política se non o xuíz o que abriu dilixencias por prevaricación que levarán ou non a determinar se houbo outro delito. As familias de persoas, veciñas nosas, que faleceron foron as que denunciaron. Relacionar dúas ou tres mortes cos recortes, dixo o presidente, era un disparate. Unha soa morte á espera dunha medicación que existe, unha, é unha traxedia e un feito gravísimo que non pode explicarse arrogándose a indignación da profesión médica cando houbo protestas de colexios profesionais pola actitude da Xunta na subministración de fármacos contra a hepatite C. Hoxe comparecen os altos cargos sinalados polo fiscal. Hai que investigar e depurar responsabilidades sobre o ocorrido. Polo ben da sanidade pública.
 
Consuelo Bautista