No caso de aprobarse castigaría con penas de cárcere e multas de centos de miles de euros a quen difundan ou filtren información interna dunha empresa sen a súa autorización polo ben común ou para denunciar prácticas ilegais ou potenciais perigos para os consumidores; nunha palabra, por exercer o dereito dos cidadáns a saber sobre asuntos que lles afectan, por exercer o dereito á información que xornalistas, académicos e outros colectivos necesitan para desempeñar a súa tarefa de servizo á sociedade.
 
O movemento cidadán WeMove.EU lanzou unha campaña de recollida de firmas titulada ‘Non ás novas leis sobre segredos comerciais’ para pedir aos parlamentarios europeos o seguinte:
 
A lexislación proposta pola UE sobre a protección de segredos comerciais fomenta en exceso o segredo das empresas e é unha ameaza para os xornalistas, os seus informantes e os traballadores responsables, así como para o noso dereito a acceder á información de interese público (sobre medicamentos, pesticidas, emisións dos vehículos, etc).
 
Vota en contra desta lei e pide á Comisión Europea que presente unha proposta que protexa o segredo comercial sen pór en perigo os nosos dereitos políticos.
 
Cando Antoine Deltour, un empregado da multinacional PwC, decidiu filtrar algúns dos maiores secretos financeiros da historia, probablemente non sabía que se enfrontaría a un xuízo por “violación de segredos comerciais”. Deltour revelou acordos tributarios pactados en segredo en Luxemburgo que permitían por centos de multinacionais como Amazon eludir millóns en impostos dentro da UE.
 
Este mes de Abril, días antes do seu xuízo, o euro parlamento votará unha nova lei que podería silenciar a futuros informantes con penas de cárcere e multas enormes, impedindo así que se destapen malas prácticas e delitos corporativos. Os pesos pesados da industria hai anos que presionan respecto diso, pero o público xeral non sabe nada deste tema.
 
Imaxe destacada: WeMove.EU
Vídeo: Xnet
Reproducido de Socied@d Reticular