O vixésimo aniversario da xornada internacional das loitas campesiñas[1] perfílase nun contexto alarmante para os dereitos dos campesiños e campesiñas.
 
Recentemente tivemos máis exemplos da represión que as e os campesiños enfrontan nas súas loitas polos dereitos. A principios de marzo Berta Cáceres, coordinadora do Consello cívico das organizacións populares e autóctonas de Honduras (COPINH) foi asasinada no seu fogar. Unha semana máis tarde en Colombia, un agricultor da asociación campesiña de Arauca foi asasinado e outros membros da FENSUAGRO foron encarcerados. Estes catro campesiños acábanse de unir á longa lista de persoas, defensores dos dereitos humanos, membros de organizacións campesiñas e indíxenas que foron asasinados, ameazados ou encarcerados desde principios do 2016 nese país. Estes feitos só reflicten a inxusta realidade cotiá de moitos campesiños e campesiñas, defensores da agricultura campesiña en todo o planeta.
 
O modo capitalista de dominar a natureza e producir na agricultura está en crise. Hai un enfrontamento entre dous proxectos de produción, da sociedade e da forma de convivir coa natureza.  Dous proxectos para o futuro. Dun lado, o modelo do agronegocio do capital, que subordina todo á súa insaciable xeración de lucro, que para isto impón o monocultivo, destrúe a biodiversidade, intensifica o uso de agrotóxicos, expulsa aos campesiños dos seus territorios e domina a gobernos e estados.
 
E doutra banda, temos o proxecto da Vía Campesiña  baseado na Soberanía Alimentaria, onde a agricultura busca producir alimentos sans para todo o pobo, en equilibrio coa natureza, xerando mellores condicións de vida para a poboación do campo.
 
A violencia, a represión dos latifundistas, a inercia dos gobernos son parte desta  loita permanente e cotiá, entre as dúas formas de ver á natureza, a agricultura, a vida e os alimentos. Ademais, o acaparamento de terras, que se multiplicará en África e Asia, coa escusa de compensar a gran cantidade de emisións de CO2 emitidas polos países máis industrializados, ameaza con aumentar aínda máis a violencia exercida contra as familias campesiñas.
 
É por iso que esta Xornada de Mobilización Global, son datas simbólicas para as nosas loita, que marcaron a nosa vida para seguir articulando accións de denuncia e resistencia. Que nos permiten dialogar coa  sociedade, para a  construción colectiva do noso modelo de agricultura.
 
Nese contexto, A Vía Campesiña fai un chamamento a todas as súas organizacións membros, amigos, aliados, a todos aqueles e aquelas que cren na agricultura campesiña e loitan pola soberanía alimentaria para que se mobilicen este 17 de abril de 2016; para loitar polo acceso á terra daqueles e aquelas que a cultivan con respecto, e contra os asasinatos dos líderes do movemento campesiño, crimes contra a humanidade.
 
En particular en Brasil, por cumprirse 20 anos do Masacre Del Dorado Dos Carajás que aínda continua na impunidade, A Vía Campesiña Brasil e Internacional realizará un campamento da mocidade campesiña, ademais, unha Conferencia sobre Reforma Agraria (13 ao 17 de Abril) onde se profundará o debate sobre estes dous modelos de agricultura, pechando esta xornada cun acto político de denuncia e de clamor por transformacións sociais, en Pará, no lugar mesmo onde se ocorreu este masacre.
 
Fagamos xuntas e xuntos  deste vixésimo aniversario un himno á vida organizando manifestacións, debates públicos, proxeccións de películas, mercados con produtos campesiños, festas ou accións de solidariedade. ¡Todas as iniciativas son benvidas! Escríbenos a lvcweb@viacampesina.org para que podamos difundir estas accións  con antelación. O 17 de abril envíanos  fotos e vídeos para que poidamos difundilas  e animar esta xornada  de acción global. Achegamos 2 afiches que usaremos nesta xornada de mobilización  global.  Descarga aquí  afiche 1,afiche 2.
 
Compárteos e síguenos nas nosas redes sociais:
@via_campesinaSP
 
https://www.facebook.com/viacampesinaofficial/?ref=hl
 
[1]          O 17 de abril de 1996, a policía militar do Estado amazónico de Pará masacrou 19 campesiños organizados no Movemento de Traballadores Rurais Sen Terra (MST) co motivo de que ocupaban unha estrada A Vía Campesiña que nese momento celebraba a súa segunda conferencia internacional en Tlaxcala, México, declarou o 17 de abril como o Día Internacional da Loita Campesiña.
 
Resumen Latinoamericano /viacampesina.org