Coidado
Quérome referir ao que alguén publicou no PASquín anterior. Paréceme moi importante que os sindicatos, todos e todas as que nos representades sexades conscientes da responsabilidade que tedes nas vosas mans. Polo que saíu estes días na prensa sobre a situación económica da universidade a raíz da presentación do orzamento, as contas serán, practicamente as mesmas do ano pasado, non podemos deixar de lembrar as dificultades económicas que se manifestaron coa paralización do gasto, provedores agardando meses para cobrar... Nesta situación requírovos que sexades conscientes do difícil que será levar a efecto as promocións. Non deixedes nas mans da Xerencia a decisión de como se sacan as convocatorias, asegurade ao máximo que as convocatorias compren coa legalidade.

Queixa
Levades moito tempo estudando os temarios das partes específicas. Tan difícil é que unha vez establecido o que parece será o máximo se recorte, se é o caso, e se nos proporcione para poder comezar a preparación dunha oposición onde, desde o comezo xa comprendemos que non se nos vai regalar nada?. Quedaría moi agradecida se tamén nos proporcionades un calendario, aínda que sexa aproximado, de cando se realizarán as probas para que poidamos preparalas. Saúdos.

Confirmación
Tedes razón, tamén consultei na central sindical na que estou afiliada a cuestión da reserva dos aprobados de convocatorias anteriores e coincidiu co que sinalades. Se eu o puiden facer, unha afiliada, as persoas que están nas Xuntas de Persoal representando directamente ao sindicato deberían asegurarse, antes de tomar posición, da legalidade do que se poida establecer e non deixalo nas mans da empresa, neste caso da universidade.