Compre, polo tanto, revisar que sinalan desde a Xunta de Galiza a este respecto.
 
No DOG do luns, día 7 de marzo de 2016 publícase o “DECRETO 19/2016, do 25 de febreiro, polo que se aproba a oferta de emprego público correspondente a prazas de persoal funcionario e laboral da Administración xeral da Comunidade Autónoma de Galicia para o ano 2016”. 
 
No artigo 4. Promoción interna independente establece:
 
“7. As convocatorias de procesos selectivos de promoción interna independentes das de ingreso para persoal funcionario, poderán establecer a conservación da nota dos exercicios, sempre que a dita nota sexa igual ou superior ao 60 % da cualificación máxima. A validez desta medida será aplicable á convocatoria inmediata seguinte, sempre e cando esta sexa análoga no contido e na forma de cualificación.”
 
Os condicionantes establecidos na comunidade autónoma para a conservación da nota dun exercicio anterior confirman, punto por punto, o criterio manifestado pola nosa asesoría xurídica.
 
Como manifestamos nas asembleas realizadas e nos escritos que remitimos consideramos que temos que dar ás promocións que se convoquen o máximo respaldo legal. O feito de que as promocións se asinasen en plena campaña electoral e que a situación económica da universidade estea ao límite da súa capacidade de gasto, fainos temer que poida haber algún interese en que, agora, non se leven a efecto ou se queiran retrasar, non estamos dispos@s, como xa manifestamos, en poñerlle en bandexa á universidade esa posibilidade.
 
Para evitar que situacións como a que se está a producir agora se repitan convocatoria tras convocatoria reivindicamos, tamén, a negociación coa xerencia dunhas bases estables par as convocatorias de promocións.