Cristo asegurou que a maioría deses asasinatos foron cometidos por bandas criminais que temen ser exterminadas unha vez se asíne a tan esperada paz que demandan os colombianos desde hai máis de 50 anos.
 
Anunciou que se creará unha comisión con representante do ministerio de Defensa, Policía Nacional, Unidade Nacional de Protección, Defensoría do Pobo, Alta Consellería para os dereitos humanos e a Fiscalía a fin de evitar que sigan asasinando a líderes sociais no país.
 
“Desde fai tres semanas andamos en contacto con dirixentes de dereitos humanos, da Marcha Patriótica, da Unión Patriótica, o Cume Agrario e estámoslles pedindo que conformen un equipo con cinco representantes das organizacións sociais para establecer medidas”, comentou Cristo.
 
Recoñeceu que a situación é preocupante pero que depende de todos os colombianos saír da violencia que tanto dano causou á nación suramericana.
 
Afirmou que non haberá impunidade en ningún dos crimes que se cometeron contra campesiños e líderes sociais. “Imos atopar os responsables co compromiso da Fiscalía e a Policía”, dixo.
 
Logo de postergarse o acordo final para a paz, o xefe do equipo negociador das Forzas Armadas Revolucionarias de Colombia – Exército do Pobo (FARC-EP), Iván Márquez, responsabilizou ao ministro de Defensa Luís Carlos Villegas por querer entorpecer os Diálogos de Paz na Habana.
 
El Espectador | Telesur