Maio de 2010
 
 

24/05/2010

   CUTUDC / Novidades

  ACTUALIDADE

 

A progresividade do recorte do soldo dos funcionarios non é real senón 'virtual'

 

 

A progresividade no recorte que se aplicará ao soldo dos traballadores da Administración Pública, a partir do próximo mes de xuño, anunciada o xoves polo Goberno na rolda de prensa posterior ao Consello de Ministros, non é real senón virtual e regresiva.

 


 

O recorte de retribucións dos funcionarios públicos só se aplica de forma progresiva ao salario base e a antigüidade, mentres que se reducen de forma lineal os complementos fixos, que son os que diferencian realmente o soldo dos funcionarios. Non obstante, o Goberno non precisou onte que o recorte alcance ao complemento de produtividade, que é precisamente o que perciben en maior proporción os altos funcionarios.

Deste modo, a progresividade anunciada polo Goberno ten un alcance "moito máis limitado", xa que dunha forquita anunciada de entre o 0,56% de recorte para os soldos máis baixos e do 7% para os máis altos, a realidade é que os que menos cobran verán realmente reducido o seu soldo nun 3,25%, mentres que os salarios intermedios serán recortados nun 4,68%, sen contar cos escasos empregados do Grupo E (só 497 efectivos na Administración Xeral do Estado, os que sufrirán un recorte do 0,68%).

Ademais, sinalar o paradoxo que se crea entre os distintos corpos xa que o recorte é regresivo para as elites administrativas, cuxos maiores complementos quedan fóra da progresividade e mesmo a salvo da redución aprobada. Así, segundo estes cálculos os xefes e directivos, que non son altos cargos, verán reducido o 3,67% do seu soldo, uns 3.327 euros brutos anuais, en tanto que os profesores de secundaria, os técnicos ou un mando intermedio deixarán de cobrar o 4,66% do seu actual salario, uns 1.737 euros brutos ao ano.

 

Igualmente, os funcionarios con menores percepcións salariais, que son os que integran a base da Administración Pública, e á súa vez os máis numerosos, sufrirán con maior severidade o recorte nos seus salarios que xefes e directivos.

 

Segundo isto, os auxiliares que menos cobran dentro da súa categoría profesional verán recortado o seu soldo nunha media de 650 euros brutos ao ano, é dicir, un 3,41% sobre o total da súa retribución. Do mesmo modo, un administrativo verá reducido o seu soldo nuns 1.110 euros, é dicir, o 4,32% das súas retribucións anuais.

 

Se isto ocorre co salario do persoal funcionario, no caso do persoal laboral é, aínda máis discriminatorio, polo que deixan caer os medios de comunicación o desconto establecido é do 5% deixando á negociación colectiva a aplicación da “progresividade”, de non realizarse a dita negociación executaríase o desconto do 5% a todos os grupos e categorías.

 

 

QUE NON XOGUEN COS NOSOS, XA MINGUADOS, DEREITOS ECONÓMICOS E SOCIAIS.

 

MOBILIZATE!
 FOLGA XERAL XA!

 

 

 

 

CUT da UDC . SEMPRE DO LADO DAS TRABALLADORAS E TRABALLADORES

Quen somos | Contacto | Axuda

cutudc.com, 2009. Publicado baixo licencia Creative Commons DHTML Menu By Milonic JavaScript