O Comité Europeo sostén, na súa análise sobre España, que a situación non está conforme co recolleito no artigo 4 da Carta de 1961, xa que “o SMI dos traballadores do sector privado non garante un nivel de vida digno”, algo que tamén é aplicable para “o persoal contratado na función pública”.
 
Segundo o informe do Consello de Europa, España cumpre nove e incumpre sete dos 16 artigos avaliados e esíxeselle que ofreza máis información sobre a limitación das retencións salariais para poder avalialo.
 
En España a xornada laboral pode exceder as 60 horas semanais nalgunhas categorías de traballadores e o Comité Europeo denuncia que non se estableceron medidas compensatorias para todos os traballadores expostos ao tratamento de residuos de risco.
 
O salario mínimo garantido sitúase en 648,6 euros mensuais en 2015 e debería superar os 800. En Reino Unido é de 1.148 euros, e en Francia alcanza os 1.398 euros. O Estatuto dos Traballadores non garante en España un incremento da remuneración ou do tempo de libranza polas horas extras, segundo sinala o informe.
 
Fonte