Para a elaboración deste ranking analízase ás universidades segundo tres parámetros: o rendemento docente, o investigador e os resultados de innovación e desenvolvemento tecnolóxico. A lista inclúe 61 universidades, 48 públicas e 13 privadas, de toda España. Nos últimos postos aparecen, ademais da San Jorge, a Universidad Nacional de Educación a Distancia (UNED), a Universidad Oberta de Catalunya, a Universidad de Vic ou a Católica de Valencia. A Universidade da Coruña ocupa o posto 46, a USC o 20 e a UVigo o 36.
 
O estudo sostén que as mellores son as universidades públicas, resaltando as altamente especializadas, como as politécnicas, a Carlos III ou a Pompeu Fabra, e as de grandes áreas metropolitanas, como a Complutense, a Universidade de Barcelona ou a de Valencia.
 
O estudo sinala importantes diferenzas por comunidades e entre os propios campus, e os resultados das mellores universidades triplican os das peores. O traballo apunta que as universidades privadas “ofrecen moi pobres resultados en investigación, situándose en conxunto un 36% por baixo da media”. Cataluña conta coas mellores universidades, seguida por Cantabria e Valencia.
 
Para elaborar esta listaxe analizáronse 25 indicadores: os artigos científicos publicados e a súa relevancia, as teses doutorais defendidas, as taxas de éxito docente, a porcentaxe de profesores por alumno, a cantidade de alumnado estranxeiro ou os programas de intercambio.
 
El Ventano