Asembleas
Co fácil que é convocalas non entendo como non se fan máis. Dous días, un en cada campus e enterámonos, discutimos e, se fai falta, poñémosvos podres. Isto é o que fai falta, máis contacto e menos deseño desde as cadeiras sindicais, se o que se pretende mellorar é a situación do PAS, porque non hai comunicación directa con nós?.

Promocións
Son das persoas que na anterior convocatoria de promocións de C2 a C1, aprobamos e non tivemos praza. Sigo sen entender como non se ten en conta a nosa situación dado que nestas circunstancias non prexudicamos a ninguén.

Valoración do tempo traballado nas oposicións
Esténdese polas conserxerías, que é onde traballo, a posibilidade de que nas convocatorias de oposición que se convoquen non se teña a mesma puntuación, na valoración da antigüidade, en función de que os postos se desempeñan con contrato laboral ou ben como persoal funcionario, esta posibilidade ten que descartarse, débesenos dar a seguridade de que isto non sucederá. Falámolo entre varios e chegamos á conclusión de que para asegurar que isto non sucederá o mellor sería que se nos funcionarizara. Agardamos que consideredes esta posibilidade.