NÚMERO 309 - 04/04/2016
CUTUDC / Novidades
UNIVERSIDADE
Asembleas realizadas os días 29 e 30 de marzo
Os días 29 e 30 de marzo realizamos asembleas en Ferrol e Coruña respectivamente. Nestas reunións non só expuxemos os asuntos nos que estamos a traballar, tamén cumpriron a finalidade de escoitar o parecer das compañeiras e compañeiros que tiveron a ben asistir.
-
Noticias relacionadas
A bagaxe que nos proporciona o contraste de pareceres realizado nas catro asembleas que fixemos durante estes dous días, sitúanos nas mellores condicións para afrontarmos as vindeiras reunións da Xunta de Persoal. Repetiremos a convocatoria de asembleas cando os procedementos abertos estean máis avanzados coa finalidade de que sexan controlados polos traballadores e traballadoras.
Eleximos a Facultade de Socioloxía para facer as asembleas na Coruña para ter un contacto directo coas traballadoras e traballadores do edificio onde recentemente as análises realizadas sinalaron unha altísima presenza de gas radon. A actuación da universidad non convence ás traballadoras e traballadores que se senten abandonadas e abandonados á súa sorte. Puxémonos á súa disposición para o que consideren oportuno. Esixiremos explicacións e reclamaremos unha actuación dirixida á prevención.
Aínda que falamos de moitos asuntos os temas abordados foron esencialmente:
Promocións
Plan de formación
Comisións de servizos
Listaxes de agarda
Oferta de Emprego Público
Concurso
RPT
Temas apuntados polas traballadoras e traballadores sobre situacións concretas
CUT da UDC . SEMPRE DO LADO DAS TRABALLADORAS E TRABALLADORES
Quen somos | Contacto | Axuda
cutudc.com, 2009. Publicado baixo licencia Creative Commons DHTML Menu By Milonic JavaScript