O estado de emerxencia, a reforma laboral e os recortes sociais do goberno socialista cristalizaron nunha acampada na praza da República de París tras o éxito da folga xeral que paralizou Francia este xoves. Aínda que a convocatoria orixinal se limitába a París, convocáronse en polo menos outras 20 cidades. Entre as 5 e 6 da mañá do venres, as concentracións en París e Nantes foron desaloxadas pola policía pacificamente. Este é o comunicado difundido polos promotores da ‘Nuit debout’:
 
“A reforma laboral foi a pinga que colmou o vaso da nosa indignación. Tras a mobilización en liña detrás do lema ‘Valemos máis que isto’, un colectivo de cidadáns abertos, decididos , alegres e pragmáticos formouse. Buscamos unha converxencia das loitas sociais e ambientais e a mobilización dos estudantes.
 
A nosa mobilización ten como primeiro obxectivo o recoller e liberar a voz dos cidadáns que é inaudible no estreito marco da representación política tradicional.
 
Decidimos pasar da rede ás rúas e ocupamos pacificamente lugares públicos. A #NuitDebout naceu dunha aposta tola a que o número de apoio popular deu a razón. Bebemos das experiencia dos indignados españois, do movemento Occupy norteamericano e da Primavera Árabe, e estamos a construír un movemento horizontal, non violento e creativo.
 
Cómprense todas as condicións para unha verdadeira renovación democrática deseñada colectivamente por todos os cidadáns que non se resignan e estanse levantando en todo o país. Ao longo de Francia, centos de iniciativas brotan espontaneamente, os cidadáns decidimos tomar o control do noso presente e o noso futuro. A #NuitDebout acaba de comezar”.
 
El Ventano