Febre
Parece que entrou a febre da lexislación nos temarios das promocións, Entendendo que se nos debe esixir un nivel mínimo de coñecementos que asegure que sabemos como comportarnos diante da administración, os nosos dereitos e as nosas obrigas, tedes que entender que os traballos que esixen cualificación especial e técnica deben cargar o temario nese terreo. Tal e como se prepararon os temas só serven para precisamente dificultar, cando non impedir, o teórico obxectivo co que se presenta esa promoción. Reflexionade e pensade que si a escala xeral ao non ter especialización precisa cargar o temario de lexislación, na escala de bibliotecas e na escala técnica ese contido debe ser revisado.

Adaptación das normativas
A conciliación da vida laboral e familiar debe ser un dos obxectivos que se ten que plasmar nas normativas vixentes, comisións de servizo, xornada, vacacións, permisos e licenzas, xestión de listas de agarda... Todos os regulamentos deberían de revisarse incluíndo esta circunstancia. Se que algunha desta normativa está agora en revisión, aproveitade a ocasión para incorporar esta reivindicación.

Seguir os antecedentes
Está ben a innovación se ten algún sentido, cando unha cousa xa ten a implantación de anos sen que se creasen tensións, mellor non tocalas ou revisalas con moito coidado. Porque se cambia radicalmente a convocatoria no proceso de promocións nas bibliotecas?.