Converteuse nunha situación onde prima a realidade económica-financeira pura e dura e desatou un furor sen límites, desobedecendo nalgúns casos as directrices de determinados gobernos de non aceptar aínda o que é un cambio total de política entre os dous estados e imparable realidade que se consolidará nos nosos días vindeiros.
 
Con algúns coñecementos sobre Cuba podo afirmar que é un país que durante moitos anos estivo bloqueada para realizar comercio internacional, exceptuando o que foi o bloque de países ex-socialistas.
 
Co único mercado internacional que mantiñamos relacións, non nos permitiu modernizar as nosas industrias, nin os nosos medios de produción, así como de adquirir materias primas fundamentais, polo que á caída de Muro de Berlín (1990) o país viuse nun caos total.
 
O sector industrial empezou un declive produto das faltas de repostos dos ex-países socialistas, e industrias como a azucreira, a petroleira, a alimentaria, a de medicamentos, a total escaseza de pezas de reposto para o transporte por estrada, o ferroviario, a aviación. o transporte marítimo. etc. deixaron practicamente paralizada a Illa onde ata eses momentos desenvolvía a súa vida co 80% das importacións.
 
O esforzo dun pobo preparado para resistir en calquera continxencia da vida, logrou sobrepoñerse coa axuda do Estado e foi recuperando aos poucos e con moito sacrifico estabilizar a súa economía e abrir novas fontes de produción interna e poder salvar o famoso "período especial" cheo de limitacións e sufrimentos.
 
En Cuba a agricultura é un terreo cun potencial tan grande que totalmente desenvolvido podería exceder o volume de produción do "Tratado de Libre Comercio".
 
Segundo William A. Messina, Jr. do Instituto de Ciencias Agrícolas da Universidade da Florida, a Illa "ten un chan tan bo e representa un reto de tal magnitude que, co fin do embargo, o impacto que terá no mercado agrícola no Continente será maior que o "Tratado de Libre Comercio". Apontoou tamén o Sr. Messina  que expón tamén que o clima cubano é moi bo, ten bos recursos e un sistema agrícola potencial.
 
Tamén hoxe Cuba posúe un novo Porto na Baía de Mariel construído con créditos dados por Brasil que o caracterizan por ser o maior Porto na zona de centro América e América do Sur e con condicións ilimitadas para descargar barcos de gran calado, tonelaxe e desembarcos de colectores.
 
Acompaña a todo isto a cualificación do cidadán cubano que lle permite pola  súa instrución, capacitación e graos científicos dar resposta laboral aos labores que se presentarán no futuro.
 
Convencido estou que resolto definitivamente as trabas que durante tantos anos (máis de 50 anos) sufriu o pobo cubano polo tema do bloqueo norteamericano. O salto cuantitativo e cualitativo que se experimentará en Cuba farase sentir no resto do mundo.
 
Neste momento foron demasiadas as representacións comerciais estranxeiras e Presidentes deses países que están a visitar a Cuba, empezando por España, que comezaron a reforzar o comercio  en todos os aspectos da súa economía interna e no desenvolvemento das exportacións.
 
SANTOS MIGUEL R.