A “gran prensa” española celébrao igualmente como unha mostra da suposta recuperación económica. Segundo os apoloxistas mediáticos do Réxime, “a marca España recupera progresivamente o tirón entre os investidores estranxeiros e alcanza os niveis previos á crise”.
 
Tamén a flamante alcaldesa de Madrid, Manuela Carmena, manifestouno, igualmente convencida das  bondades do investimento foráneo, en setembro do pasado ano.
 
 “O investimento estranxeiro na capital –dixo- está a aumentar", da man especialmente da adquisición de inmobles. No seu criterio, trátase dun feito "moi positivo".
 
Con todo, os favores do investimento estranxeiro para España que se celebran a partir dos incrementos no volume do capital implicado nestas operacións, desvanécense se se lles compara co diñeiro que os mesmos capitalistas sacaron do país.
 
Varios medios de comunicación publicaron que  os investidores extraeron de España 70.200 millóns de euros en 2015. Unha cifra moi superior aos 5.600 millóns que investiron no país durante o  2014.
 
Só no mes de decembro, recoñece o propio Banco de España, os investidores retiraron 19.000 millóns de euros.
 
Do monto total do diñeiro extraído despréndese que  21.300 millóns corresponden aos investimentos directos e outros 48.800 millóns a outros investimentos tales como préstamos e depósito.
 
Curiosamente, o Banco de España saíu este martes 1 de marzo a facer control de danos. Desmentiu a todos os que interpretaron, a partir desas cifras, que nos atopamos ante unha monumental “fuga de capitais” do país.
 
Os responsables da entidade financeira argumenta que a “fuga” de capitais en investimento estranxeiro non existe tecnicamente.
 
“Das cifras de fluxos de financiamento co exterior que se publicaron onte non se pode deducir que en España houbese unha “fuga de capitais”, nin durante o ano 2015 nin despois das eleccións xerais do 20 de decembro”.

Unha forma como calquera outra de facer malabares dialécticos para negar o evidente.
 
Canarias Semanal