O coordinador da PAH, acompañado por varias decenas de afectados de Madrid e doutros municipios lindeiros, acudiron este mércores a unha concentración fronte á sede do Concello, esixindo o peche da mencionada oficina.
 
Os activistas da PAH concentráronse  ante o Concello  e deron rexistro a un documento - por segunda vez- para esixir que a Oficina de Intermediación Hipotecaria municipal deixe ser un "instrumento de negocio" das entidades financeiras. A concentración estivo encabezada por Luís Chamarro, coordinador en Madrid da PAH.
 
Segundo Chamarro, á oficina creada por Carmena está a achegarse xente desinformada á que se lle ofrece como única opción a dación en pago e non "cales son as súas posibilidades reais para defenderse".
 
"Todas van abocadas a entregar a súa casa en dación, a perder o que deron, a quedar en aluguer que non se pode chamar social durante tres anos antes de irse á puta rúa", manifestou Chamarro.
 
Chamarro lembrou que o 5 de xaneiro pasado máis dun centenar de afectados  entregou á alcaldesa Manuela Carmena un escrito, no que se lle pedían explicacións sobre a oficina da súa creación. Ata  agora non obtiveron  contestación algunha.
 
"Presentámoslle un escrito- dixo - de recordo, no que valoramos de forma negativa a súa falta de resposta, interrogámola sobre os labores da Oficina e pedímoslle que a peche". Chamarro  advertiu que "se equivoca a alcaldesa se pensa que  os afectados  van quedar calados". "Equivócase, - proseguiu o dirixente das Plataformas - porque iremos a máis xa que está en xogo a nosa vida". Chaparro xulgou como "incomprensible e absolutamente repugnante"  o feito de que algúns dos membros do  goberno municipal  traballaron no pasado coa PAH.
 
"O que máis doe é a traizón; se o PP puxese isto en marcha vímolo normal e coherente e denunciariámolo e pelexariámolo igual. O que é incoherente é que un goberno como este poña en marcha unha iniciativa con tales características",  denunciou o coordinador da PAH.
 
Canarias Semanal