O estudo que se nos proporcionou e que reflicte medicións en todos os andares do centro chega, nalgúns casos a detectar uns valores de 4133 ± 321 Bq/m³, 2980 ± 258 Bq/m³, 2832 ± 282 Bq/m³,,ou 1560 ± 226 Bq/m³ (O becquerel ou becquerelio (símbolo Bq) é unha unidade derivada do Sistema Internacional de Unidades que mide a actividade radioactiva. Wikipedia).

Aínda que o estudo determina, en base á Instrución IS-33 que o máximo de concentración debe estar en 600 Bq/ m³, hai estudos e incluso unha directiva da Unión Europea do ano 2014 (2013/59/EURATOM) na que se establecen os niveis admisibles de radon en domicilios e lugares de traballo na que se sinala uns niveis límite para domicilios e lugares pechados 300 Bq/m³ (a totalidade dos espazos reflectidos no estudo superan este límite).

Unha vez máis vémonos na obriga de sinalar que o reitor debe ser, cando menos, máis comedido nas súas declaracións públicas cando se trata de aspectos tan importantes como a saúde dos e das que formamos parte da Comunidade Universitaria. Reclamamos á Institución a seriedade e a actuación responsable que este asunto require tomando as medidas necesarias para que a saúde das persoas que traballan ou estudan no centro non perigue.